10. “Араатны хаан арслан” гэдэг ойлголтыг бас л халж хаях хэрэгтэй гэнэ. Учир нь заан арслангаас хүчтэй ухаантай, харин Африкийн одос үхэр хүч чадлаараа арслантай эн тэнцүү байдаг аж.

9. Хүний цусанд дуртай, хүнд хамгийн хортой амьтан бол аварга загас гэж бид бас л буруу боддог. Учир нь АНУ-д жилд зөгийнд хатгуулсан хүмүүс аварга загасны дайралтаас хоёр дахин, нохойд хазуулснаас тав дахин олноороо үхдэг аж.

8. Дэлхий дээр хамгийн махчин амьтан гэвэл хүн бүр л зэрлэг махчин амьтдыг хэлнэ. Гэтэл бас л тийм биш, арслангууд гэхэд долоо хоногт 2-3 удаа 20 кг мах идэхэд хангалттай байдаг бол гэрэлзгэнэ гэдэг амьтан өөрийн биеийн жингээсээ дөрөв дахин их хэмжээтэй хүнс иддэг гэнэ.Мөн хамгийн ховдог амьтны тоонд
тэмээлзгэнэ багтана. Энэ далавчит шавьж хоёр цагийн дотор 40 ялаа идэж чаддаг юм байна.

7. Зодоончоороо алдартай, бусдыг дагуулахгүй амьтан бол сохор номин. Сохор номингууд зодолдохоороо нөгөөгөө үхэхээс нааш зогсдоггүй гэнэ.

6. Хамгийн догшин хэрцгий араатан бол арслан, бар биш харин туна загас гэнэ. Энэ загас идэж чадах хэмжээнээсээ арав дахин их загас руу дайрч хэдэн хэсэг болгон тасдаж чаддаг аж.

5. Хамгийн хортой амьтан могой гэж бид боддог. Тэгвэл бас л андуурч. Кокой хэмээх мэлхийний хор цианит калигаас 1000 дахин, харин Дундад Азийн кобра могойны хорноос 35 дахин хүчтэй байдаг аж. Энэ мэлхийд байх хор нь 1500 хүнийг хордуулах чадалтай.

4.   Хүн хамгийн аюултай загас нь аварга загас биш. Амазонкийн оршин суугчдын хувьд жижигхэн цулбуурт загас хүнийг маш их гэмтээдэг гэнэ. Тэд шээс дамжуулах эрхтнээр дамжин хүний бие рүү орж цусыг нь сордог ба түүнийг мэс заслын аргаар л авах боломжтой аж.

3. Хүйтэнд тэвчээртэй амьтан гэж хэлэнгүүт цагаан баавгай санаанд бууна. Гэхдээ цагаан баавгай хамгийн тэвчээртэй нь биш. Туйлын нугас -110 хэмийн хүйтнийг тэсэх чадвартай байдаг байна.

2. Дэлхий дээр байгаа хамгийн “дэлдэн” амьтан бол заан биш. Чихтэй  амьтдын дундаас хамгийн дэлдэн нь  монгол болон хятад алагдаахай юм. Ердөө есхөн сантиметр хэмжээтэй тэр амьтан таван сантиметр буюу бараг биенийхээ талаас урт чихтэй
аж.

1. Хамгийн тэвчээртэй амьтан бол тэмээ гэж бид боддог. Мэдээж тэмээ маш удаан хугацаанд өлсөж, усгүй явж чаддаг нь үнэн л дээ. Гэхдээ энэ чадвараараа оцон шувуу тэмээг хол хаяна. Оцон шувуу өндгөө дарах үеэрээ 130 хоног өлсгөлөн байж чаддаг байна. Тэгвэл зарим шавьжнууд үүнээс ч удаан өлсгөлөн байж чаддаг аж. Бясаа хоёр жил, харин тэмээн аалз 2.5 жил юу ч идэхгүй байж чаддаг гэнэ. Гэхдээ ингээд дуусахгүй, намгийн яст мэлхий таван жил өлсгөлөн явж чаддаг гэнэ шүү